од Мира Смаќоска Танеска Жирафата Жижи цел ден само мижи малите жирафчиња тажно веднат главчиња. Вратче ѝ милуваат планови смислуваат го повикаа Медо забар чуле дека е храбар. Сега Жижи шизи слатко се насмевнува потајно потпевнува ѝ фали една двојка таа неславна бројка. Designed by Freepik
од Ана Голејшка Џикова Лакомото глувче сиренце најде заборави на сѐ од јадење зајде! Го бараа сите другарчиња мали го нема никаде тој – стомаче си гали! Се тркала Глувчо не може да оди каква згода незгода од лакомост се роди Го најде мајка Глувчица со прстето го кара „Кој ненаситно јаде помош после бара!“ Designed by Freepik Од истата авторка: Сонливото зајаче Гасеница малечка Пролет Пиле во карантин
од Румена Бужаровска На дрво се качи себичната крава за цреши да јаде. Без ништо да дава. Помина зајко во шумската сенка кога в око го удри од црешите семка. О, како го фрасна! Ко фати да пече! Но се прибра тој брзо и мирно ѝ рече: „Што правите качена таму о, мадам?“ „Си седам јас сама и цреши си јадам.“ „Ама цреша ова не е. Ова е бука.“ „Си носам во канче” му рече и плукна. Илустрација: Јана Јакимовска
од Владимир Мартиновски Е не се баш исти Сите хористи: Некој басира Некој масира Некој фалшира Некој се фолира Некој форсира Некој се секира Некој се нервира Некој сјајно пее Некој не се смее Некој се прчи Некој стално мрчи Некој фаќа терци Некој брка херци Некој крка переци Некој чита ноти Некој по слух се води Некој ич не се поти Некој само отвора уста Некој има желба пуста Некој со гласот мутира Некој супер пее само дур се тушира Некој везден се слика Некој сегде се пика А некој упорно вика: Сите хористи Не се баш исти Но со диригент вреден Звучиме ко да пее еден Илустрација: Филип Мартиновски
од Ванчо Полазаревски и Наташа Костовска Кога облак од радост „плаче“, подава капка-раче, да расцути темјанушка, со роза, нарцис… да се гушка, сите во танц, во балет – во пролетен букет.
од Владимир Лукаш Ги грабнале силни молци кутрите исплашени овци и рува им јадат ли јадат, со волна си се сладат. „Ве молиме, ќе смрзнеме, ќе се следиме, ќе премрзнеме! Сѐ уште ечи ладната зима, а ние в штала немаме клима…” „Гајле ни е!”, рекле силните молци и на овчичките им текнала финта: Ќе ги викнат на помош страшните волци да направат интервенција итна. Пратиле абер по овчарскиот пес кој веднаш в трк се дал. Во брзање го турнал малиот еж кој носел кашмирен шал. Волците, иако в лов пошле, веднаш в шталата дошле. Ги кренале штетниците на клоци, натепани, побегнале алчните молци. „Повелете, другари, сиренце бело и свежо млекце – буре цело!” Волците до ситост се најале и како среќни кучиња залајале. Овците, спокојни, заспале мирно, под ѕвездено небо ширно. И навистина е факт, а не мит, оти овците се на број, а волкот сит. илустрација: Наталиа Лукомска Од истиот автор: Творчето Смрдливко Гнездо од алги Песна за мојата песка Магарешка песна 100.001-та песна
Извадок од страниците на веселата книга за учење на азбуката – „Азбукварка“ на писателот Ванчо Полазаревски и илустраторката Наташа Костовска.
од Марија Каева Навистина ли така било или само ми се сонило? Како и да било, мене ми е мило, што така можеби било, па ќе ви раскажам како вистински да се случило. Мојата љубена гавраница, по потекло од планината Јабланица, веќе со денови одбиваше да лета и да грака, а кога ја прашав што ѝ е, ми рече дека веќе не ме сака. Сосема сам и тажен, седев скршен, скриен во една ограда од бршлен, во друштво на еден молчалив и стар стршен. Се двоумев дали е болна или е можеби таква заради месечината полна. Думав и туфкав со часови и во умов почнав да слушам буфкави гласови. Еден од нив ми рече: – Мораш да најдеш начин, да ја расположиш со лековит и миризлив зачин. Чудна идеја ме навјаса дури вчера; ко пороен дожд истурен од облак дебел, што луѓето да се засолнат ги тера. Со план и цел, инаку не ќе се бев обидел, свратив накратко до дома и ѝ реков на мојата умна и натажена мома: – Морам, мила моја, со крилјата …
Извадок од романот „Девет приказни за госпоѓица Сит“ на Билјана С. Црвенковска, кој влезе во најтесен избор за наградата Роман на годината за 2019 година на Фондацијата „Славко Јаневски“. Симнете го извадокот како пдф-документ на следниот линк. Книгата „Девет приказни за госпоѓица Сит“ може да се купи онлајн:
од Ванчо Полазаревски
Чудна шума 