од Огнен Неделковски Една мала тревка Од утрово зевка, Не е мис со убавина, Не е ни детелина, Обична тревка, Зелена и тенка, Не е ниту на игралиште, Ниту пред забавиште, Ниту на пристаниште… Небитна тревка, Од утрово зевка, Чека барем мравка, Да завртат танго, Или барем чавка, Да долета кратко… Обичната тревка, Со сонце што се бори, Кравата ја лапна И млеко се стори! Дизајн/илустрација: Чудна шума; користени ресурси: Freepik, Vecteezy. Designed by Freepik

од Фабиен Бертомје Имам една СИНА, и ЗЕЛЕНА, и ЦРВЕНА, Едната се смее, двете други мрдаат. Имам и ЖОЛТА, ЛИЛАВА и КАФЕАВА Сите на блузава ќе си ги ставам.    Имам и една ЦРНА, и БЕЛА, и СИВА, Ако ги разделам – нема да ги бива. Собрани заедно личат на ѕуница Чудесно изгледа нивната убавина!   Рипки мои мали, во различни бои Ве сакам сите, затоа што ве посвоив! Сега танцувајте, пријателки мои Пливајте слободно, откако ве обоив!    препев од француски: Калиопа Петрушевска Дизајн/илустрација: Чудна шума; користени ресурси: Freepik, Vecteezy.