Day: 18th Април 2020

Дилема

од Владимир Лукаш Една пентарка-коза видела роза. „Да ја изедам ил’ негувам, со роса да ја полевам, да ми цути в дворче до зеленото борче? Што да ѝ правам на оваа ретка капка, да ѝ се восхитувам ил’ да ја лапнам?“ В стомакот – кркотница, в мислите – бркотница, а денот ведар – вистински дар: сонцето сјае како цицалче-срнче, од розата ѕирка бебешко трнче. Дизајн/илустрација: Vecteezy. Од истиот автор:

Љубовниот бивол

од Румена Бужаровска Си бил еден бивол што љубел да љуби На страдање нејќел време да губи. Љубел тој сè – дал вол бил ил крава, љубов тој бивол безусловно давал! Бакнувал волно, нежно се галел, сите животни среќни ги правел. Се шлапкал во кал, мирисал рози, со шармот освојувал и јарци и кози.  Но старецот-желка направил фрка, па фатил тој сите со гнев да ги брка. А биволот рекол: „Кому ли пречам? Напротив – од љубовни болки јас лечам! Ах, дојди ти желко, јас да те бакнам!” „Море марш ти оттука пред да те акнам!“ старецот-желка на сиот глас рикнал, а потем во оклопот тврд си се пикнал.    Во мракот свој скриен, си плачнал од мака зашто во младоста тој недоволно сакал. Илустрација: Јана Јакимовска Од истите авторки: