Day: 4th Мај 2020

Еж и ежица

од Ванчо Полазаревски Ежот ерген тргнал дома, патем сретнал ежица мома. Се сопнал од срам, и ежицата ја облеал љубовен плам. Се наежиле и двата, и по многу премрежиња, ене ги денес, во шумата, со сурија мали ежиња. Од истиот автор:

Гладната лама

од Румена Бужаровска Крај богата софра седната беше гладната лама и полнеше меше.  Си мезеше сласно – да ти е милина! – без да си мисли ич на тежина. Плуцкаше гласно, мљацкаше страсно лапкаше еднакво и посно и масно.    Крај софрата помина крмакот сам. Ѝ рече: „Ламо, зар не ти е срам? Ти госпоѓа не си ако вака си буташ! Дамата не јаде, а камоли плука! Никогаш ти не ќе најдеш маж! А ќе настегаш кила, и во години стаж! Дамите пазат на својата линија и носот не им е пикнат во чинија!“   „Мене ми збориш што јадеш ко свиња, гровташ кај стигнеш и се бањаш во тиња? Имам амбиции да бидам јас дама кo ти што би бил свинска салама.  А со ваква забелешка не си ни прв!“   Му рече, го плукна, и му заврти грб.   Илустрација: Јана Јакимовска Од истите авторки: