од Румена Бужаровска
Си бил еден горд, вознемирен црв. На сите им врескал „во сè сум јас прв! Мислите мал сум, ме викате ’црв’!? Бујрум кај мене, ќе падне и крв! На кого ли тука му е од мене трт? Елате овде! Се борам до смрт!“ Се дуел, се силел, се пенавел тој, па ја викнал скорпијата на мегдан, на бој. „Страшна си ти, со опаш со боцка? Дури око да трепне јас ќе те скоцкам! Дојди бре, акреп! Ќе јадеш ти бокс! Ќе ти го скршам тој грд и невидлив нос!“ И ракавици црвот за бојот си земал. Ама изгубил. Оти, раце тој немал.
Илустрација: Јана Јакимовска
Од истите авторки:
Чудна шума 