од Тања Аждаја Си пробал ли ти да леташ во сон, да кроиш сам сни?   Соновен бонтон ти е тоа чудо, може нилски коњ   да научи џудо; Глеј – змија скока  ко кенгур во трк,   фока јаде смока, мустаќ сука штрк. „Како се прави“,   се прашуваш ти, „в сонливи глави и во детски сни   свет да се стави што не постои?“ Земи малку мрак –    Нека отстои… Часовник навиј…  „Даладинг, штрак, штрак!“   В ќебе време завиј и страк од сончев зрак. Зев…тик-так…зев…тик-так… илустрација: Ване Костуранов Од истата авторка: Велосипет

од Ванчо Полазаревски Силна како тенк, бучно лази, а сепак пази, нешто да не згази. Се храни со  тревка и  свежа зелка. мудрата баба желка. Во бавноста е нејзината сила. Ете затоа, жими мајка,  досега немала  ниту една сообраќајка. Дизајн/илустрација: Vecteezy. Од истиот автор: Гатанки чудни за деца будни (1) Гатанки чудни за деца будни (2) Гатанки чудни за деца будни (3) Гатанки чудни за деца будни (4) Гатанки чудни за деца будни (5) Гатанки чудни за деца будни (6) Гатанки чудни за деца будни (7) Проф. д-р Апри-ли-ли-ли Бара Еден був рече „Уф“ Модна ревија Камила на море Желката џогира Мачорот Eстета Велигден