Во сабота, на 30 октомври, со почеток во 13 часот, во Еуро Хотел Градче – Кочани се одржа есенски саем на книги на Чудна шума со промоции на книги, базар на рачни изработки, како и креативна работилница за деца „Децата и планините“.
Во рамки на саемот на книга, се одржаа и три настани:
Промоција на двојазичната сликовница „Какво е времето таму горе? / Wie ist das Wetter da oben?“ во авторство на Леона Стојковска и Јулијана Росоклија, а во издание на „Чудна шума“;
Читачка промоција на илустрираниот роман „Sвезда Мрак и суштествата од Страшкоград“ на писателката Билјана С. Црвенковска, со читање на извадоци од книгата;
Креативна работилница за деца „Децата и планините“ (по креативно пишување и цртање). Се читаа делови од едукативната брошура „Децата и планините“ и се разговараше за планините и што значи честото одење во планина од секој можен аспект (за здравјето и физичката активност, за запознавањето со природата и флората и фауната на планините итн.) Активностите на работилницaтa вклучуваа пишување расказ или песна, создавање ликовно дело во техника по избор, креирање стрип, како и спојување на сите креации во една мала завршна изложба на планински трудови.
Погледнете ја галеријата со фотографии од настанот:
Чудна шума 