од Фабиен Бертомје Имам една СИНА, и ЗЕЛЕНА, и ЦРВЕНА, Едната се смее, двете други мрдаат. Имам и ЖОЛТА, ЛИЛАВА и КАФЕАВА Сите на блузава ќе си ги ставам.    Имам и една ЦРНА, и БЕЛА, и СИВА, Ако ги разделам – нема да ги бива. Собрани заедно личат на ѕуница Чудесно изгледа нивната убавина!   Рипки мои мали, во различни бои Ве сакам сите, затоа што ве посвоив! Сега танцувајте, пријателки мои Пливајте слободно, откако ве обоив!    препев од француски: Калиопа Петрушевска Дизајн/илустрација: Чудна шума; користени ресурси: Freepik, Vecteezy.

Кликни ТУКА и обој ги еднорозите. 🙂 Designed by Freepik

од Фросина Пандурска Драмиќанин Си биле седум сестрички. Се викале: Црвена, Портокалова, Жолта, Зелена, Сина, Темносина и Виолетова.  Понекогаш се сакале, но понекогаш се карале околу тоа која од нив е најубава. А, всушност, сите биле убави, особено кога биле заедно. Еден ден кога небото плачело, посакале да го расположат. Се договориле да се сплетат една со друга, како плетенка. Тогаш и Сонцето било најсреќно и ги осветлило со своите зраци. Оттогаш сестрите ги завикале Ѕуница. Sуница, тоа е исто што и виножито, исто што и божилак – три имиња за седумте сестрички.  Задача: нацртај ѕуница или обој ја ѕуницата што ќе ја најдеш тука. Дизајн/илустрација: Чудна шума; користени ресурси: Freepik, Vecteezy.