All posts tagged: зајак

Еден ден на фармата

приказни за почетно читање Овие приказни можат да се читаат и како комбинација од текст со цртежи, или само како текст, зависно од возраста на читателите. Убав пролетен ден на фармата! Сонцето грее и ги милува цвеќињата.  Пчелите и пеперугите летаат од цвет на цвет. Животните се надвор. Ене ги патките во езерцето.  – Кре, кре – ги поздравуваат жабите кога ќе ги видат. Тука се и кокошката, петелот и малите пилиња.  Но, кој им дошол во посета? Тоа се една верверичка и едно зајаче. Кравата пасе трева, овцата лежи и се сонча, а свињата се лади во калта.  Кучето и мачката се бркаат.  – Полека, полека – вреска по нив мисирката.  А белата коза се смее на нејзин начин: – беее, беее, беее. Коњот и магарето весело трчаат по зелената ливада.   Навистина, прекрасен ден на фармата!  Designed by brgfx / Freepik

Зајак

Зајаците се цицачи што живеат во групи, најчесто во тунели и простории што ги копаат под земјата. Живеат претежно во шуми и ливади. Иако потекнуваат од Европа, денес ги има на речиси сите континенти, освен на Антарктикот и на некои острови во Југоисточна Азија. Сепак, постојат многу видови зајаци кои се разликуваат по многу работи, од тоа каде живеат, до нивните надворешни карактеристики. Покрај дивите зајаци, постојат и питоми. Неколку интересни факти за зајаците: – Забите на зајакот никогаш не престануваат да растат! Но, тие се трошат со грицкањето трева, полски цвеќиња, корења, лисје, кора од дрвја и различни зеленчуци.  – Кога е среќен, зајакот изведува посебен скок во воздухот! –Очите на зајакот се наоѓаат странично на неговата глава, што значи дека тој може да гледа на сите страни околу себе. Тоа му помага брзо да ја забележи опасноста и да избега. Покрај очите, неговите долги уши му овозможуваат оддалеку да ги наслушне грабливите животни. – Исто како и мачките, и зајаците предат кога се задоволни и опуштени!

Сонливото зајаче

од Ана Голејшка Џикова Броиме деца еден, два три за зајачето бело во кревет што се скри   Како ли е свиено да каже еве сега морам да бројам мислата ми бега!   Броиме деца четири, пет, шест зајачица доаѓа носи добра вест!   „Зајачето се успало го разбудив со песна на училиште тргнало со чантата лесна!“   Броиме деца седум, осум, девет зајачето мало се врати во кревет   Лето е, распуст тече на училиште не се оди сè кон сон ме влече и в креветче пак ме води! Designed by Freepik Од истата авторка: