од Ана Голејшка Џикова

Се роди во семејство
на гнездо над оџак бел
растеше безгрижно
со лет непогрешлив смел
 
Кога порасна, посака
да стане манекен
висок, слабичок и убав
штрк – феномен!
 
Со шапка од слама
и на нозе долги панталони
штркот во поход тргна
на модни писти и фазони
 
Го сликаа во пози
разноразни едиторијали
го сакаа чавки, сојки
и чучулиги големи и мали
 
Еден ден баба му го виде
на реклама по билборди
„Којзнае овие неговиве
колку се на штркот горди“
 
Зела му плете ќебе
и порака му пиша згодна
„Внучко, ти треба да носиш бебе
кај една фамилија околна“
 
Штркот ја доби пораката
ги симна очилата модни
што да прави, работа си е работа
плодни летови се плодни!

---

Дизајн/илустрација: Чудна шума; користени ресурси: Freepik, Vecteezy.

---

Од истата авторка: