од Владимир Лукаш

Си зборувале две мачки
вооружени со чатали и пачки,
колку преданија знаат
за влакнестите чуда што лаат.
„Знам дека има боксери,
питбули, чивави и кокери,
доги, шарпеи и пекинезери,
хаски, пудли и малтезери.
Но сите имаат ист предок
 – еден сив волк редок.
Тој не бркал мачки,
ниту врапци ниту страчки
туку пред пештера си стоел
и кромањонски залчиња броел.
Еден ден се припитомил,
од дивтар станал пес мил
и набргу се скачкал
со пештерската мачка...
Оттогаш нашето ривалство трае,
до кога – тоа никој не го знае“
– рекла едната мачка
и испукала опасна пачка
кон едно кутре смотано
в двор што им се мотало.

---

Дизајн/илустрација: Чудна шума; користени ресурси: Freepik, Vecteezy.

---

Од истиот автор: