---

Во топлата приказна „Каде се крие Ведран“ авторката Ива Безиновиќ-Хејдон ја отвора темата за која е напати тешко да се разговара, а тоа е загубата на некоја блиска личност и продолжувањето на животот по соочувањето со таквиот настан. Приказната им е наменета на децата и е напишана на јазик разбирлив за нив, а носи топла поука за начинот на кој можеме за навек да ги задржиме саканите личности во нашите срца.

Каде се крие Ведран?

И кога се чини дека никаде го нема, тој е насекаде и во сѐ околу нас. Не мора да го видиме, може да го сетиме. Можеби е во дождот, можеби е во музиката, можеби плови по морето со наши блиски луѓе кои веќе не се тука, но нив за навек ги носиме во себе.

---

Возраст: 5+

---

Ива Безиновиќ–Хејдон – „Каде се крие Ведран“

Издавач: ИД-Концепт (Чудна шума)

Импринт: Чудна шума

Илустрации: Хана Тинтор

Превод од хрватски јазик: Калиопа Петрушевска

Категорија/жанр: сликовница

Едиција: Планета НАДЕЖ (Нова европска проза)

Формат: 200х250 мм

Повез: тврд

Број на страници: 40

ИСБН: 978-608-4938-77-4

Година на издавање: 2024