НАСКОРО!

Нежна, интензивна и незаборавна приказна за првата љубов.

Тихо Зелинг живее обичен живот, без грижи и тешкотии, без возбуди и авантури. Сѐ во него − школото, другарите, девојките, плановите за иднината − едноставно… се случува. Како филм кој го пушта да тече, но не го режира. 

Затоа и решава да промени нешто. Лета за Америка за да го помине летото како помлад асистент во меѓународен летен камп за деца. Таму го сретнува Оливер, уште еден асистент од Норвешка.

И тогаш Тихо ќе почувствува како животот да му запрел и како одново да почнува, овој пат онаков каков што тој би сакал да биде. 

„Денови на Блуграс-љубов“ е првпат издадена во Холандија во 1999 година и оттогаш доживува преводи на многу јазици и ревидирано издание. Како роман за млади кој веќе се смета за европски класик, но истовремено револуционерен − поместувајќи ги границите и рушејќи ги табуата − сега првпат е достапен и за македонската читателска публика. 

---

Возраст: 17+

---

Едвард ван де Вендел – „Денови на Блуграс-љубов“

Издавач: ИД-Концепт (Чудна шума)

Импринт: Чудна шума

Превод од холандски: Ели Пујовска

Нарација: Марија Каева

Илустрација на корица: Хари Дудески

Категорија/жанр: Книга за млади; роман за млади

Едиција: YES (Млади европски приказни)

ИСБН: 978-608-4673-25-5