Има ли некој на брегот отспротива?
Има ли некој таму кај што завршуваат брановите?
Некој како мене? И како му е таму?
Дали и нему му велат дека е малечок?

За авторката:

Јоана Консехо (1971) е родена во Слупск, Полска. Студира на Академијата за ликовни уметности во Познан, а подоцна се преселува во Франција, каде работи како илустраторка и уметница. Работи и како професорка на неколку уметнички академии во Италија. Нејзините дела се изложувани на триесетина самостојни и групни изложби низ целиот свет. Консехо е авторка на илустрации за повеќе книги за деца и млади од значајни автори, како Олга Токарчук, Џована Зоболи, Артур Скриабин итн. Во 2008 година ја објавува својата прва книга за деца, „Господин Никој“. Потоа следуваат и книгите „Големо и мало“ и „М како море“, објавени во 2020 година. Јоана Консехо пишува на италијански и на француски јазик, а нејзините книги се наградени со значајни признанија и преведени на десетина јазици.

За преведувачката:

Анастасија Ѓурчинова, есеистка и преведувачка, работи како професорка по Италијанска книжевност на Катедрата за италијански јазик и книжевност на Филолошкиот факултет „Блаже Конески“, Универзитет „Св. Кирил и Методиј“ во Скопје. Нејзини полиња на интерес се италијанистиката, компаратистиката, преведувачките студии и транскултурните релации.
Преведува од италијански на македонски јазик. Има преведено книги од Џовани Бокачо, Николо Макијавели, Итало Калвино, Клаудио Магрис, Николо Аманити, Паоло Џордано, Сандро Веронези, Фабио Џеда, Наталија Гинзбург, Џерардо Мазучо.
За својата преведувачка дејност двапати ја добила наградата „Златно перо“, доделена од Друштвото на книжевни преведувачи на Македонија, како и Националната награда за преведувачки опус доделена од Министерството за култура на Република Италија.

Авторка: Јоана Консехо

Издавач: Арт Конект

Едиција: Бајчe

Наслов на оригиналот: M come il mare / Joanna Concejo

Превод: Анастасија Ѓурчинова

Број на страници: 48

Формат: е-книга

Година: 2024

ISBN: 978-608-4852-96-4