Ова се последните денови
на мојата младост;
телото почнува да се
влече зад духот,
тешкиот чекор на
времето станува побрз.
Џинот во мене се ослободува
од својата тежина,
му се лупи телото,
му паѓа кожата,
почнува однатре да ѕирка
човекот кој отсекогаш бил.
Еднаш учи да сака,
после учи што сака.
Прво учи да оди исправено,
после учи да си оди исправено.
Ме напушта младешкото Да на сѐ,
сега учам да кажам Не.

Автор: Долорес Атанасова-Лори

Издавач: ИД-Концепт (Чудна шума)

Импринт: Чудна шума

Категорија/жанр: Поезија

Едиција: Корија

Формат: А5

Повез: мек

Број на страници: 80

ISBN: 978-608-4938-53-8

Година на издавање: 2023