Сите деца, но и возрасните, сакаат да решаваат загатки!
Откријте која или што е Кики и зошто се крие зад грмушките!
Зошто не можеме да ја видиме веднаш? Зошто ги гледаме само грмушките зад кои се крие?
Зошто е тажна и какви проблеми ја мачат?
Дали се вистински и сериозни како што ѝ изгледаат?
Не смееме сѐ да ви раскажеме веднаш и да ви ги дадеме сите одговори – оваа приказна носи некои мудри поуки и размислувања. За тоа како не треба да се исмеваат оние што се различни од нас. За тоа како секој има некои свои особености и проблеми, но, на крајот – љубовта и разбирањето ги решаваат сите заплеткани работи и сите тешкотии.
Како што ќе видите, Кики е една извонредна и посебна Кики, која заслужува читање, разбирање и сета љубов на светот.

За авторката:

Мелита Рундек ги сака децата, пишува за децата, разговара со децата и оди на книжевни средби со децата. Има добиено пет големи награди, од кои една регионална, за своите книги за деца, како и многу помали признанија. Нејзините книги редовно се на топ-листите со препораки за читање. Децата ја читаат во лектирите. Од некои од нејзините приказни и книги се направени претстави, а некои се изведувани на радио.
Многу сака да им раскажува приказни на децата. Оваа приказна за Кики ја напишала за сите деца што мислат дека се различни и превртени наопаку, а тие се посебни, скапоцени и вредни. 
Ја заслужуваат сета љубов на светот. 

За илустраторката:

Ванда Чижмек илустрирала многубројни сликовници и книги за деца и млади, списанија за деца и бележници. Добила многубројни пофалби и награди за нејзината работа, меѓу кои се неколку награди за сликовницата со Силвија Шесто - „Фати ми го синото мече“: наградата „Григор Витез“, Почесната листа на IBBY, „Хрватска убава книга“, а во 2023 оваа сликовница беше вброена во каталогот на програмата на IFLA - „World Through Picture Book“ – како една од десетте најдобри хрватски сликовници.

За преведувачката:

Катица Гароска Ацевска е книжевен преведувач и уредник. Родена е во Скопје, каде што дипломира на Филолошкиот факултет на катедрите за англиски и француски јазик и литература. Книжевен преведувач е од англиски, француски, хрватски, српски, босански и бугарски на македонски јазик: проза, поезија, есеи, драми, книжевност за деца и млади. Преводите ги работи најчесто по полноќ, главно во резиденции за преведувачи низ целиот свет. Добитник е на повеќе награди за книжевен превод. Покрај книжевен превод, активно се занимава со планинарење, велосипедизам, скијање. Еднакво ужива на снег и во вода. Таа е неуморен патувач во егзотични места на планетата Земја.

Возраст: 4+

Автор: Мелита Рундек

Илустрации: Ванда Чижмек

Издавач: ИД-Концепт (Чудна шума)

Импринт: Чудна шума

Превод од хрватски јазик: Катица Гароска Ацевска

Категорија/жанр: сликовница, книга за деца

Едиција: Повеќе од приказна

Формат: 200x250mm

Повез: тврд

Број на страници: 44

ISBN: 978-608-4938-84-2

Година на издавање: 2025