Една од најпознатите книги за азбука во светот, преведена на повеќе од 20 јазици – „Азбука на чувствата: денес се чувствувам…“ на португалската авторка и уметница Мадалена Мониз – сега и на македонски јазик, во превод и адаптација на Билјана Црвенковска.

А за авантуристички, К за колебливо, Љ за љубопитно, О за осамено, С за слободно… – секоја буква е опишана со силна, уникатна визуелна метафора. Растењето е една авантура на чувствата, патување во кое се откриваме себеси, другите и светот околу нас.

Сликовницата е преведена на германски, шпански, француски, италијански, англиски и многу други јазици, а наградена е и со престижната награда Opera Prima – Special Mention BolognaRagazzi Award.

За љубителите на сликовници што се повеќе од само сликовници – туку и вистински уметнички дела – рачно насликанa со мастило и акварел.

На крајот, секој од нас може да се запраша: како се чувствувам денес?

Возраст: 4+ години

Авторка и илустраторка: Мадалена Мониз

Издавач: ИД-Концепт (Чудна шума)

Импринт: Чудна шума

Илустрации: Мадалена Мониз

Превод и адаптација од португалски јазик: Билјана С. Црвенковска

Категорија/жанр: Сликовница

Едиција: Од шумите на Европа

Формат: 270x210mm

Повез: тврд

Број на страници: 76

ИСБН: 978-608-4938-98-9

Година на издавање: 2025