Издаваштво

ИЗДАВАЧКАТА ГРУПАЦИЈА „ЧУДНА ШУМА“ од Скопје се состои од две издавачки куќи:

1. ИД-КОНЦЕПТ / ЧУДНА ШУМА

2. ЧУДНА ШУМА ЈУНИОР

Нашата мисија е да создаваме и издаваме висококвалитетни книги за македонската читателска публика, особено изданија за деца и млади. Ова го правиме преку промовирање на најдобрите автори и илустратори за деца, како и реномирани писатели и поети од Македонија, и со преведување на важни и наградувани книги на македонски јазик.

Целта ни е да промовираме квалитетни книги кои се забележани и препознаени од македонската јавност и медиумите. Имаме освоено бројни македонски книжевни награди и признанија или сме биле номинирани/во потесен избор за нив (на пр. 2 пати финалисти за наградата „Роман на годината“, 3 пати прва награда за најдобра книга за деца меѓу два саема на книга), а сме се закитиле и со меѓународни признанија како што се „White Ravens“ и регионалниот избор „Штефица Цвек“.

Многу од книгите на домашни автори се веќе преведени на неколку јазици. Се фокусираме на промовирање на македонски реномирани и наградувани автори и илустратори, и работиме со најдобрите, наградувани преведувачи.