Колекција: YES - Млади европски приказни

„Кажи YES за добра книга!“ е мотото на тригодишниот проект „Млади европски приказни (Young European Stories)“ – проект за превод, објавување и промоција на европски книжевни дела за деца и млади. Во проектот, покрај „ИД-Концепт“ - дел од Издавачката групација „Чудна шума“ (како носител на проектот), се вклучени неколку издавачки куќи од неколку европски држави: Ибис графика / Ibis grafika од Хрватска, Мителдојчер Ферлаг / Mitteldeutscher Verlag од Германија, Одисеја / Odiseja од Србија и Гаврош од Македонија.

Во рамки на проектот се преведени и објавени 14 книжевни дела за млади читатели од различни возрасти, од деца од предучилишна возраст, па сѐ до тинејџери од 16 до 19 години. Книгите се преведени од холандски, унгарски, хрватски, германски, норвешки, шведски, словенечки, турски и романски на македонски, како и од македонски на хрватски и германски. Книжевните преводи се дело на искусни и наградувани книжевни преведувачи.

Сите книги од проектот се дела за деца и млади што обработуваат значајни теми. Сликовниците, наменети за деца за предучилишна возраст, обработуваат теми како прифаќање на различностите и инклузивност, миграцијата, справување со траума и губиток, подигање на свесноста за грижата за животната средина и за климатските промени; слични теми обработуваат и романите за деца од предтинејџерска возраст, додека книгите за млади дополнително обработуваат и теми за родовата еднаквост, сексуалноста и проблемите со кои се соочуваат младите луѓе во современиот свет.

Повеќе за проектот Млади европски приказни - YES ↗

Дела објавени во рамки на проектот „Млади европски приказни“: