Ky është tregimi i një vajze të guximshme me ëndrra të mëdha për tu ngjitur në majat më të larta të botës. Është tregimi i Fluturës, e cila me sytë e saj mahnitës si dy yje e ndriçonte botën rreth saj. Sa herë ndryshonin stinët, ajo vishte një fustan lara—lara dhe me buzën gjithmonë në gaz i nderonte bukuritë e pafund të natyrës. Gjyshi i saj i dashur e thërriste Uta, dhe kështu i mbeti ky emër me të cilin ajo do të njihej nga e gjithë bota.

Flutura Ibrahimi—Uta

Uta është ngjitëse malore, guide profesioniste, vrapuese, dhe adhuruese e të gjitha aktiviteve në natyrë. Ajo vazhdimisht punon që të rrisë vetëdijësimin për natyrën dhe malet si dhe barazinë gjinore. Përpos ngjitjeve, Uta është shumē aktive edhe në prezantime në shkolla, organizata lokale dhe ndërkombëtare, dhe paraqitje të tjera publike si dhe aktivitete të shumta. Në maj të vitit 2017 Uta u bë gruaja e parë shqipëtare që ngjiti Majën Everest, me larësi prej 8,848 metrash. Deri më tani (2020) ajo ka ngjitur pesë nga majat tetëmijëmetërshe dhe synimi i saj është t’i ngjisë të gjitha majet 14×8000 metërshe.

Uta është themeluese e “Butterfly Outdoor Adventure”, kompani e hiking dhe guidave malore që ofron ture të natyrës së Kosovës dhe vendeve të rajonit.

Uta jeton në Prishtinë, Kosovë.

Mosha: 4+ vjet

Autor: Tefta Kelmendi

Ilustrimet: Katerina Nikolovska

Botuesi: Ndryshe dhe e mrekullueshme

Kategoria/zhanri: libër për fëmijë, libër me figura

Formati: 23,1 х 20,5 cm

Mbulesa: e butë

Numri i faqeve: 44

ISBN: 978-608-4938-15-6

Viti i lëshimit: 2021