Поезијата на Авировиќ е универзална, разбирлива на сите меридијани. Од друга страна, таа е длабоко национална, потекната од оваа почва и од овој воздух. Имено, отсликувајќи го она што ни се случува, Пајо Авировиќ всушност го отсликува групниот карактер на луѓето што живеат тука, неговото проклетство и неговата исконска судбина.

Sвездан Георгиевски, рецензент

„Б&Б – вивисекција на едно време“ е трето книжевно дело на пајо Авировиќ, а втора збирка поезија.

Велите: тој голем носталгичар
Плаче по минатото
Не сме се разбрале
Глупаво е да жалиш за минатите времиња
За нешто што било и не може да се врати
Јас всушност жалам за идните времиња
Оние за кои нема кој да жали

Автор: Пајо Авировиќ

Категорија/жанр: Поезија

Едиција: Корија

Формат: А5

Повез: мек

Број на страници: 88

ISBN: 978-608-4938-00-2

Година на издавање: 2020