POURING MEDIUM Pēbēo Studio Acrylics е медиум спремен за употреба, специјално наменет за техниката Pouring (течно излевање). Има течна, транспарентна формула со сјајна завршница која не пожолтува. Кога се меша со акрилни бои, ја намалува нивната вискозност без да го намали интензитетот на бојата, овозможувајќи мазно разлевање, чисти и лакирани ефекти и создавање уникатни композиции.

Го подобрува нивелирањето на бојата, ги намалува трагите од алатот и по сушењето создава цврст, флексибилен и водоотпорен слој без појава на пукнатини.

Се користи во комбинација со боите Studio Acrylics и Origin Acrylics, а може да се нанесува и самостојно со четка како сјаен завршен лак.

Пакување во шише од 250, 500 и 1000 мл

Совети за употреба:

Најпрво измешајте ја бојата со вода (доколку е потребно разредување), а потоа додадете го Pouring Medium и мешајте полека за да избегнете создавање меурчиња. За најдобри резултати, оставете ја смесата да отстои околу 1 час пред нанесувањето.

Доколку сакате да добиете ефект на „ќелии“, додајте неколку капки силиконско масло, повторно нежно промешајте и потоа истурете ја смесата.

Препорачани пропорции за Pouring техника со Studio Acrylics: 1 дел боја, 1 дел Pouring Medium, 1 дел вода и неколку капки силиконско масло.

Техники за создавање различни ефекти:

• Истурете ги боите во концентрични кругови и оставете ги природно да се разлеат.
• По истурањето, ротирајте ја подлогата за да добиете нови форми и прелевања.
• Нанесете ги боите по случаен распоред и со шпатула создадете преклопувања и мермерен ефект.
• Истурете повеќе бои во ист сад без мешање и потоа превртете го садот врз подлогата („Inverted Cup“ техника).

Забелешка: При употреба на титаниум бела боја, понекогаш може спонтано да се создадат „ќелии“ и без додавање силиконско масло, но резултатот е непредвидлив.