од Данил Хармс

На масата имаше кутија.
Животните дојдоа до кутијата, почнаа да ја разгледуваат, да ја душкаат и да ја лижат. 
И одеднаш кутијата – еден, два, три – се отвори.
А од кутијата – еден, два, три – излезе змија.
Животните се исплашија и избегаа. 
Еден еж не се исплаши, се стрча накај змијата и – еден, два, три – ја лапна. 
А потоа седна на кутијата и викна: „Кукуригу!“
Не, не така! Ежот викна: „Ав-авав!“
Не, не беше ни така! Ежот викна: „Мјау-мјаумјау!“
Не, повторно погрешно! Не знам како викна, навистина.
Кој знае како викаат ежовите?

превод од руски јазик: Билјана Црвенковска

---

Дизајн/илустрација: Чудна шума; користени ресурси: Freepik, Vecteezy.